Plantun de Prouvènço

Pèr coumpara dos planto d'encò nostre

Myosotis arvensis & Ophrys vetula

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Aragno(-de-Durènço)

Ophrys vetula

Orchidaceae

Noms en français : Ophrys décrépit, Ophrys de la Durance.

Descripcioun :
L'aragno-de-Durènço fai partido dóu group de l'Ophrys vetula (Flora Gallica, 2014). Sèmblo uno mescladisso pèr l'ouro pas trop claro. Trachis dins la garrigo e li tepiero seco sus cauquié. Se destrio de la fausso-aragno qu'a uno labreto aloungado en reitangle e plegado sus li coustat. Aquésti coustat soun proun pelous. Lou champ basau èi tambèn mai grand.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : 6 à 8 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Endemico Durènço e proche
Abriéu à jun

Liò : Garrigo - Tepiero seco
Estànci : Mesoumediterran à Mountagnard
Couroulougi : Pancaro entresigna
Ref. sc. : Ophrys vetula Risso, 1844

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Ophrys vetula

Coumpara Te-vese-e-t'ame(-de-champ) emé uno autro planto

Coumpara Aragno(-de-Durènço) emé uno autro planto